Suno-ն դատարանից պահանջում է կարճել երաժիշտների անձնական իրավունքների հայցը

Երաժշտական արհեստական բանականության Suno ընկերությունը դիմել է ԱՄՆ դատարան՝ պահանջելով կարճել երգահան Jason Isbell-ի ներկայացրած հայցը։ Ի տարբերություն հեղինակային իրավունքի ավանդական վեճերի, այս գործը վերաբերում է արտիստների անձնական (publicity) իրավունքների ենթադրյալ ոտնահարմանը։

Հայցվոր կողմը պնդում է, որ Suno-ն իր համակարգում արտիստների անունները կապում է երաժշտական առանձնահատկությունների հետ, որպեսզի ստեղծի նրանց ոճով նոր ստեղծագործություններ՝ առանց հեղինակների թույլտվության օգտագործելով նրանց ստեղծագործական ինքնությունը։

Ի պատասխան՝ Suno-ի փաստաբանները պնդում են, որ համակարգում երաժիշտների անունները ժանրային նկարագրություններով փոխարինելը չի խախտում անձնական իրավունքները։ Ընկերության ձևակերպմամբ՝ օգտատիրոջ հարցումից հետո մոդելին փոխանցվում են միայն ոճական ընդհանուր բնութագրիչներ, ինչպես նաև հայցն անվանում է հեղինակային իրավունքի վեճ՝ քողարկված անձնական իրավունքների անվան տակ։

Այս դատավարության ելքը կարևոր նախադեպ կարող է դառնալ երաժշտական ինդուստրիայի համար՝ սահմանելով, թե որքանով է օրինական AI մոդելների կողմից արտիստի ձայնային ու ոճական առանձնահատկությունների կրկնօրինակումը։