← Բոլոր հրապարակումները
Հոդվածներ· Amara· 30 սեպտեմբերի, 2026 թ.· 1 րոպե ընթերցում

Ավելի լավ պայմաններ Amara-ի արտիստների համար 🎉

Amara-ն թարմացնում է արտիստների հետ աշխատանքի պայմանները՝ նվազեցնելով իր մասնաբաժինը և ավելացնելով արտիստներին հասանելիք եկամուտը։ 2026 թվականի հոկտեմբերից Amara-ի մասնաբաժինը իջնում է մինչև 10.5%՝ սկսած 2026 թվականի Q4 հաշվետու ժամանակաշրջանից։

Amara

Amara — մասնաբաժինը իջնում է մինչև 10.5%՝ 2026 թվականի հոկտեմբերից

Ուրախ ենք կիսվել կարևոր նորությամբ․ Amara-ն թարմացնում է արտիստների հետ աշխատանքի պայմանները՝ նվազեցնելով իր մասնաբաժինը և ավելացնելով արտիստներին հասանելիք եկամուտը։

Մենք վերանայել և բարելավել ենք մեր կատալոգի տարածման պայմանները գործընկերների հետ, և ստացված առավելությունը որոշել ենք ամբողջությամբ փոխանցել մեր արտիստներին։

Նոր դրույքաչափեր՝ մասնաբաժինը կարող է իջնել մինչև 10.5%

2026 թվականի հոկտեմբերից Amara-ի մասնաբաժինը կնվազի և, կախված արտիստի պայմանագրից ու եկամտի ծավալից, կարող է կազմել ընդամենը 10.5%։

Սա նշանակում է շատ պարզ բան՝ նույն թողարկումներից և նույն լսումներից ավելի մեծ մասնաբաժին է հասնելու արտիստին։

Նույն կատալոգը՝ ավելի մեծ վճարում վերջում

Նոր պայմանները կկիրառվեն 2026 թվականի հոկտեմբերից ստացված եկամուտների նկատմամբ, այսինքն՝ սկսած 2026 թվականի Q4 հաշվետու ժամանակաշրջանից։

Մինչև 2026 թվականի հոկտեմբերը գոյացած եկամուտները կհաշվարկվեն նախկին պայմաններով։ Արդեն տրամադրված հաշվետվությունները չեն վերահաշվարկվի։

Իսկ ի՞նչ չի փոխվում

  • Չկան լրացուցիչ վճարներ։ Գրանցման, տարեկան սպասարկման կամ յուրաքանչյուր թողարկման համար վճարներ չկան։
  • Վճարումները շարունակվում են նույն կերպ։ Հայաստանում վճարումները կատարվում են ՀՀ դրամով՝ անմիջապես արտիստի բանկային հաշվին, իսկ արտասահմանյան արտիստների և գործընկերների դեպքում՝ EUR կամ USD արժույթով՝ համաձայն պայմանագրի։
  • Հաշվետվությունները շարունակում են լինել թափանցիկ։ Յուրաքանչյուր թողարկման, հարթակի և ժամանակահատվածի տվյալները շարունակում են արտացոլվել հաշվետվություններում։
  • Ձեր իրավունքները մնում են ձերը։ Ձայնագրությունների սեփականության և իրավունքների մասով ոչինչ չի փոխվում։

Հաջորդ քայլը

Շուտով մեր արտիստներին կուղարկենք նոր պայմաններն արտացոլող թարմացված պայմանագրերը։

Մենք շարունակում ենք աշխատել մեկ պարզ նպատակի համար՝ ստեղծել ավելի արդար, թափանցիկ և շահավետ պայմաններ մեր արտիստների համար։

Հարցերի դեպքում կարող եք գրել մեզ՝ [email protected]։

Կարդացեք նաև

Երկլեզու շապիկ՝ Shorts-ում առաջնությունը բնօրինակինն է, ստուգեք՝ ո՞ւմ եք վճարում
Հոդվածներ· Հարթակներ· 8 հոկտեմբերի, 2026 թ.· 4 րոպե ընթերցում

YouTube-ն առաջ է տանում բնօրինակ Shorts-երը, իսկ ձեզ վաճառված «պրոմոն» ավելի քիչ մարդու է հասնում

Հոկտեմբերի 1-ին YouTube-ն ասաց, որ Shorts-ի հոսքն ավելի քիչ հեռու է տանելու այն ալիքները, որոնք հիմնականում վերբեռնում են ուրիշների տեսանյութերը։ Ձեր սեփական Shorts-երն անվտանգ են։ Իսկ այն ալիքը, որ առաջարկում է ձեր երգը դնել ֆիլմի կադրերի վրա, հենց ետ մղվողն է։

Կարդալ →
Երկլեզու շապիկ՝ «Ձեր երգը կդնենք ֆիլմերի կադրերի տակ» առաջարկի զգուշացումով
Հոդվածներ· Հարթակներ· 5 հոկտեմբերի, 2026 թ.· 3 րոպե ընթերցում

«Ձեր երգը կդնենք ֆիլմերի կադրերի տակ»․ այս առաջարկը կարող է զրկել ձեզ YouTube-ի եկամուտից

Շուկայում պտտվող մի «պրոմո» առաջարկ ձեր երգը դնում է ֆիլմերից, սերիալներից ու սպորտից կտրված կադրերի տակ և գրանցում Content ID-ում։ Google-ի համար դա խարդախություն է։ Իսկ քանի որ այդ տեսանյութերում գրանցված իրավատեր ունի միայն ձեր ձայնագրությունը, պատասխան տալու եք դուք, ոչ թե առաջարկ անողը։

Կարդալ →
Apple Music-ը վերափոխեց արտիստի էջերը՝ արտիստի լոգո, կոճակների գույն և Spotlight
Հոդվածներ· Հարթակներ· 28 սեպտեմբերի, 2026 թ.· 4 րոպե ընթերցում

Քո Apple Music-ի արտիստի էջն այժմ դու ես ձևավորում

iOS 27-ը Apple Music-ի արտիստի էջը դարձրեց բրենդային տարածք։ Այն կառավարվում է երեք կարգավորմամբ՝ արտիստի լոգո, կոճակների գույն և ամրացված Spotlight, իսկ լոգոն Apple-ը մերժում է տասներկու կոնկրետ պատճառով։ Ահա՝ ինչ ուղարկել, որտեղ սեղմել և երբ։

Կարդալ →