Kayt

KAYT Band-ը ստեղծվել է Kayt Cultural Hub-ի նախաձեռնությամբ։

Խմբի նպատակն է հայկական ավանդական ժողովրդական երգերն ու մեղեդիները ներկայացնել ժամանակակից մշակումներով՝ հիմնականում օգտագործելով հայկական ժողովրդական երաժշտական գործիքներ։

KAYT Band-ի կատարումների զգալի մասը հիմնված է հայկական բանավոր երաժշտական ավանդույթի վրա՝ ներառելով 19–20-րդ դարերում ժողովրդական կրողներից գրառված և նոտագրված երգերն ու մեղեդիները։ Լինելով բազմաթիվ հայկական ժողովրդական երգերի և մեղեդիների առաջին բեմական կատարողը՝ KAYT Band-ը ձգտում է պահպանել և շարունակել այս հարուստ ավանդույթը՝ այն ներառելով ժամանակակից երաժշտական կատարողական մշակույթի մեջ։