FUTURILI

Futurili-ն փսիխոդելիկ ռոք արտիստ է, որի երաժշտությունը միավորում է մթնոլորտային հնչողությունները, փորձարարական ձայնային լուծումներն ու փոխաբերություններով հարուստ, աբստրակտ տեքստերը։ Նրա ստեղծագործությունների հիմնական թեմաներն են մենությունը, մահը, հոգևորությունը և բնությունը, իսկ երաժշտությունը հանդիսատեսին առաջարկում է յուրաքանչյուր երգ ընկալել սեփական փորձառության և զգացողությունների միջոցով։

Futurili-ն տարիների ընթացքում ձևավորել է իրեն բնորոշ երաժշտական լեզու՝ համադրելով բազմաշերտ վոկալային հնչողություններն ու բնական ձայները։ Արտիստի առաջին ալբոմը՝ Who Killed the Octopus, դարձավ նրա ստեղծագործական ուղու կարևոր հանգրվանը՝ հաստատելով փսիխոդելիկ ռոքը որպես իր հիմնական երաժշտական ուղղություն։